Knepent tap mot eit forsterka Brann 2
Herrelaget møtte måndag eit forsterka Brann 2-lag i poengnaud.
(Viktor Mendoca Wikheim skåra sitt fyrste mål i Os-drakt mot Brann 2. På bilete er midtbanespelaren i aksjon i heimesigeren mot Stord. Foto: Hordalandsfotball)
Til den 11.serierunden i Norsk Tipping-ligaen gjesta våre menn Brann 2 på Nymark. Brann sine nest beste menn var på jakt etter sært tiltrengte poeng og mobiliserte med 8 a-lagsspelarar, samt osingane Ole Martin Kolskogen og Elias Heggland Myrlid.
Trass eit lag med flust i eliteseriekampar, hang Os godt med og var til tider heilt på høgde med vertene. De 27 fyrste speleminutta var det faktisk Os som eit ørlite momentum i kampen med mykje ballbesittelse og skapte nokre halvsjansar, før Brann var dødelig effektive når sjansen bydde seg. Etter baklengsmålet endra kampen karakter og Brann tok meir over. 1-0 stod seg til pause.
Det er frå sine eigne ein skal ha det, heiter det, og det var nettopp det som skjedde tidleg i 2.omgang. Storskårar Elias Heggland Myrlid auka forspranget til 2-0 i det 56.min. Os kom framleis til gode posisjonar til å skape sjansar, men det stokka seg seg i siste fase og Brann hadde relativt god kontroll. Viktor Mendonca Wikheim tente gnisten med sitt fyrste mål i Os-drakta i det 84.min, og Os klarte å mobilisere ein sluttspurt for utlikning. Os skapte litt trykk på dødballer, men måtte konstatere at Brann 2 stakk av med alle poenga.
Laurdag kl. 13.00 er det duka for årets siste heimekamp når Sandviken kjem på besøk. Vel møtt!
Norsk Tipping-ligaen avd. 4
| Spilt S | Vunnet V | Uavgjort U | Tap T | + | - | +/- | Poeng P | ||
|---|---|---|---|---|---|---|---|---|---|
| 1 | Bjarg Bjarg | 11 | 11 | 0 | 0 | 45 | 8 | 37 | 33 |
| 2 | Førde Førde | 11 | 8 | 2 | 1 | 32 | 13 | 19 | 26 |
| 3 | Fana Fana | 11 | 7 | 2 | 2 | 38 | 17 | 21 | 23 |
| 4 | Os Os | 11 | 7 | 0 | 4 | 41 | 19 | 22 | 21 |
| 5 | Lyn 1896 FK 2 Lyn 1896 FK 2 | 11 | 6 | 3 | 2 | 25 | 20 | 5 | 21 |
| 6 | Gneist Gneist | 11 | 5 | 3 | 3 | 28 | 22 | 6 | 18 |
| 7 | Fjøra Fjøra | 11 | 4 | 1 | 6 | 23 | 34 | -11 | 13 |
| 8 | Sandefjord Fotball 2 Sandefjord Fotball 2 | 11 | 4 | 1 | 6 | 24 | 38 | -14 | 13 |
| 9 | Askøy Askøy | 11 | 3 | 3 | 5 | 16 | 24 | -8 | 12 |
| 10 | Fyllingsdalen Fyllingsdalen | 11 | 4 | 0 | 7 | 19 | 30 | -11 | 12 |
| 11 | Lyngbø Lyngbø | 11 | 2 | 3 | 6 | 15 | 23 | -8 | 9 |
| 12 | Loddefjord Loddefjord | 11 | 2 | 1 | 8 | 16 | 35 | -19 | 7 |
| 13 | Åsane 2 Åsane 2 | 11 | 2 | 1 | 8 | 18 | 46 | -28 | 7 |
| 14 | Vålerenga 2 Vålerenga 2 | 11 | 2 | 0 | 9 | 20 | 31 | -11 | 6 |
