Poengdeling i toppkampen
Det blei ein fartsfylt og målrik toppkamp mot Skeid 2 på laurdag.
Foto: Kjetil Vasby Bruarøy, Midtsiden.
Herrelaget tok i helga i mot tabelltoer Skeid 2 til dyst på Kuventræ. Våre menn starta godt og tok leiinga ved Henrik Tysse Sperrevik i det 19.minutt. Etter ein perfekt gjennombrotspasning frå nevø Sebastian Plätzer, sprang Sperrevik i frå forsvaret før han heiv seg fram og tuppa ballen forbi Skeid sin sisteskanse og i mål.
Etter eit godt åpningskvarter, begynte også Skeid å vise fram sine kvaliteter. Berre tre minutter etter målet utlikna gjestane etter ein dødball, og Skeid tok meir og meir over banespelet utan å skape de store sjansane. Våre menn var kompakte og kontra med kraft og tempo.
I det 37.minutt braut spydspiss Roger Blokhus Ekeland ein tversoverpasning i Skeid-forsvaret. Frå midtbana sprang han så i frå forsvararane med ball i beina før han iskaldt chippa ballen forbi keeper og i nettet. Toppskåraren sin 100.skåring i toppfotballen. Os var tilbake i føringa, men nok ein gang svarte Skeid umiddelbart. Etter gode motsette bevegelser kom Skeid igjennom Os-forsvaret og sørga for balanse i målprotokollen før pause.
Etter sidebyttet held kampen fram med å svinge i begge ender av bana. Gjestane sitt høge press var til tider utfordrande i sterk motvind for våre menn, men våre lukkast fleire gangar med frispelinga og skapte sjansar. I det 77.minutt entra hattrick-helten frå Åsane-kampen, Niklas Lunde Fosen, banen etter eit skadeavbrekk. Fosen markerte seg raskt med gode involveringer, og etter fire minutter på bana sendte angriperen Os i føringa for tredje gang i oppgjeret. Men nok ein gang kom Skeid 2 tilbake med ein ny skåring i det 86.minutt.
Både Ekeland og Skeid 2 hadde kvar sin store sjanse på tampen til å avgjere, men toppkampen enda 3-3 og poengdeling.
Herrene våre er difor framleis ubeseira på Kuventræ i årets sesong, og held tritt i toppen av tabellen, fire poeng bak serieleiar Nordstrand. Neste utfordring er Lokomotiv Oslo på bortebane på søndag, før det er duka for cupfest mot Brann onsdag 22.juni.
Kampfakta:
Os - Skeid 2: 3 - 3
Os: Kasper Sandven Færøvik - Anders Hjelle Havsgård, Marius Haugland Mikkelsen (K) (Petter Hilton ´77), Torkel Hjertnes - Torgeir Lunde, Kristian Hjelvik Halvorsen, Sverre Spangelo Haga, Eirik Rysjedal (Niklas Lunde Fosen ´77) - Sebastian Plätzer (Rafael Villen ´66), Henrik Tysse Sperrevik (Jonas Hovland ´91) og Roger Blokhus Ekeland.
Dagens osing: Kristian Hjelvik Halvorsen
Norsk Tipping-ligaen avd. 3
| Spilt S | Vunnet V | Uavgjort U | Tap T | + | - | +/- | Poeng P | ||
|---|---|---|---|---|---|---|---|---|---|
| 1 | Os Os | 23 | 17 | 1 | 5 | 76 | 39 | 37 | 52 |
| 2 | Djerv 1919 Djerv 1919 | 22 | 14 | 5 | 3 | 58 | 30 | 28 | 47 |
| 3 | Askøy Askøy | 23 | 12 | 7 | 4 | 40 | 29 | 11 | 43 |
| 4 | Vard Haugesund Vard Haugesund | 23 | 12 | 5 | 6 | 62 | 42 | 20 | 41 |
| 5 | Fana Fana | 23 | 13 | 2 | 8 | 64 | 45 | 19 | 41 |
| 6 | Brann 2 Brann 2 | 22 | 10 | 6 | 6 | 54 | 42 | 12 | 36 |
| 7 | Austevoll Austevoll | 23 | 10 | 6 | 7 | 45 | 51 | -6 | 36 |
| 8 | Førde Førde | 23 | 9 | 4 | 10 | 43 | 51 | -8 | 31 |
| 9 | Sogndal 2 Sogndal 2 | 23 | 9 | 3 | 11 | 61 | 49 | 12 | 30 |
| 10 | Stord Stord | 23 | 5 | 9 | 9 | 44 | 61 | -17 | 24 |
| 11 | Varegg Varegg | 23 | 6 | 5 | 12 | 37 | 46 | -9 | 23 |
| 12 | Åsane 2 Åsane 2 | 23 | 4 | 7 | 12 | 39 | 57 | -18 | 19 |
| 13 | Gneist Gneist | 23 | 5 | 3 | 15 | 38 | 67 | -29 | 18 |
| 14 | Fyllingsdalen Fyllingsdalen | 23 | 1 | 3 | 19 | 19 | 71 | -52 | 6 |
